Fjölbreytt atvinnulíf – vaxandi borg

Þekk­ing­ar­kjarnar

Öflugt atvinnulíf er forsenda þess að borgin vaxi og dafni. Í Reykjavík eru helstu atvinnusvæði á höfuð­borg­ar­svæðinu og landinu öllu, hvort sem litið er til starf­semi á sviði hátækni og þekk­ingar, háskóla, fjár­mála, versl­unar og þjón­ustu, opin­berrar stjórn­sýslu, menn­ingar og lista, ferða­þjón­ustu, flutn­inga eða iðnaðar. Styrkur atvinnu­lífsins í Reykjavík og á höfuð­borg­ar­svæðinu er fjöl­breytni þess. Skyn­sam­legt er að viðhalda þessari fjöl­breytni og skapa vaxt­ar­skil­yrði fyrir sem flestar atvinnu­greinar.

Rými fyrir atvinnustarfsemi

Tryggja þarf rými fyrir atvinnu­starf­semi innan borg­ar­marka á sviði sjáv­ar­út­vegs, iðnaðar, flutn­inga, versl­unar og þjón­ustu, viðskipta, stjórn­sýslu, hátækni, rann­sókna og þekk­ingar, ferða­mennsku, menn­ingar og afþrey­ingar.

Öflug athafnasvæði

Byggð verða upp öflug athafna­svæði á Hólms­heiði, Esju­melum og Álfs­nesi fyrir lítil og stór fyrir­tæki. Þetta skapar fyrir­tækjum bæði rými til athafna en tryggir einnig mögu­leika fyrir aðila sem hyggjast þróa land á þétt­ing­ar­reitum og færa starf­semi sína til innan borg­ar­innar.

  • Á Hólmsheiði verður til nýtt athafnasvæði þar sem tækifæri skapast til að byggja upp rýmisfreka starfsemi á borð við gagnaver og vöruhús í grænu umhverfi.
  • Á Esjumelum verða athafnagarðar fyrir fjölbreytta starfsemi. Meðal annars eru steypustöðvar, malbikunarstöðvar og endurvinnslustöðvar að horfa til svæðisins.
  • Á Álfsnesi mun Sorpa þróa grænar endurvinnslulausnir fyrir allt höfuðborgarsvæðið auk þess sem Björgun mun flytja starfsemi sína þangað.
  • Á Grundartanga og í jarðhitagarði á Hellisheiði verður græn nýsköpun efld og þróuð.

Önnur tengd verkefni